2010-02-22

Зүүн ба Өмнөд Английн спортын цогцолбоpуудтай танилцах аялалын төлөвлөгөө

Лондон 2012 олимпийн бэлтгэлтэй холбогдуулж Монголын тамирчдын хамтарсан бэлтгэл хийх боломжит газруудыг үзэж танилцах үүрэгтэй байгаа билээ.

Энэ ажлын хүрээнд Зүүн ба Өмнөд Английн спортын цогцолборуудтай танилцах аялал 2 сарын 23-нд дараах хөтөлбөрөөр хийгдэх болсныг  уг бүсийн спортын асуудал хариуцсан менежер Lindsey Jorton ирүүлэв.

Элчин сайдын яамны нэгдүгээр нарийн бичгийн дарга Б.Чинүүхэйг энэ аялалд хамтран оролцохыг хүсэж хамтдаа явахаар боллоо. Танилцах аялалын дараа тайланг бэлтгэн толилуулах болно

2010-01-19

Лондон-2012 олимпод оролцох Монголын багийг Миеэгомбын Энхболд ахална

Oлон улсын олимпийн хартид заасан бүрэн эрхийнхээ дагуу МҮОХ-ны гүйцэтгэх зөвлөл олон улсын гол гол наадмуудын багийн ахлагчдыг томиллоо.

Лондон -2012 зуны XXX олимпийн наадамд оролцох баг тамирчдыг МҮОХ-ны гүйцэтгэх зөвлөлийн гишүүн, Монгол Улсын шадар сайд М.Энхболд ахлахаар боллоо.

Мөн Ванкувер-2010 өвлийн XXI олимпийн наадмын багийн ахлагч  (Chef-de-Mission)- аар МҮОХ-ны Гүйцэтгэх зөвлөлийн гишүүн, Монголын Цанын холбооны дэд ерөнхийлөгч, УБТЗ-ын орлогч дарга Л.Халтар, Сингапур-2010 залуучуудын зуны олимпийн наадмынхаар МҮОХ-ны Гүйцэтгэх зөвлөлийн гишүүн, Монголын Волейболын холбооны ерөнхийлөгч, УИХ-ын гишүүн Х.Бадамсүрэн, ГУАНЖОУ-2010 Азийн XVI наадмынхаар МҮОХ-ны Гүйцэтгэх зөвлөлийн гишүүн, Монголын Буудлагын холбооны ерөнхийлөгч, УИХ-ын гишүүн Э.Мөнх-Очир, Мускат-2010 Азийн элсний спортын II наадамд МҮОХ-ны Гүйцэтгэх зөвлөлийн гишүүн, Монголын Спортын эмнэлгийн ерөнхийлөгч Ж.Хатанбаатар нар тус тус томилогдсон байна.

2009-09-29

ЛОНДОНГИЙН ОЛИМПИЙН ХОНХ ЖИНГЭНЭЖ ЭХЭЛЛЭЭ

9 сарын 25-ны Баасан гарагт 2012 оны Лондонгийн Олимпийг Зохион Байгуулах Хороо(ЛОЗБХ)-ноос санаачилан НЭЭЛТТЭЙ ӨДӨР сэдэвт өдөрлөг зохион байгуулав.  Өдөрлөгийн зорилго нь Үндэсний Олимпийн Хороодын гишүүдэд Лондонгийн Олимпийн бэлтгэл ажил ямар түвшинд байгаа, олимпийн өмнө болон дараа бусад орны олимпийн хороодтой хэрхэн хамтран ажиллах талаар МЭДЭЭЛЭЛ ӨГӨХ, САНАЛ БОДЛЫГ НЬ СОНСОЖ ЦААШДЫН АЖИЛЛАГААНДАА ТУСГАХ явдал ажээ.

Өдөрлөгт оролцохоор таван тивийн 10 орны Үндэсний олимпийн хороодын 21 бие төлөөлөгчид, Олон Улсын Олимпийн Хорооны ажилтан, Британийн Олимпийн Нийгэмлэгийн дарга, олимпийн бэлтгэл ажиллагааг хариуцагч салбар тус бүрээс мэдээлэл хийх мэрэгжилтнүүд, Британийн бүс нутаг бүрийн спортын арга хэмжээг хариуцсан зохицуулагчид нийт 50 гаруй хүн хуран цуглав. Миний бие энэ арга хэмжээнд Монголын Үндэсний Олимпийн Хорооны Ерөнхий нарийн бичгийн дарга Ж.Отгонцагааны даалгавараар Үндсэний Олимпийн Хороог төлөөлөн оролцсон юм.

2009-09-24

Их Британийн Засгийн Газрын Соёл, Мэдээлэл, Спортын сайд Тесса Жовелл - “Энэ Олимп та бvхний Олимп байх болно"

2012 оны олимпийг зохион байгуулах эрхий төлөө уралдаанд Лондон хот амжилттай оролцоход Британийн Монголчууд ч өөрийн хувь нэмрээ оруулсан түүхтэй.

Ингээд 2005 оны 6 сарын 20-д Цахим Өртөө сүлжээгээр түгээж байсан нэгэн мэдээг толилуулж байна!



Oлoн Улсын Олимпийн Хороо Сингапур хотноо 7 сарын 6-нд хийх 117 дах хурлаараа 2012 оны Олимпийн тоглолтыг зохион байгуулах хотыг сонгон шалгаруулах билээ. Олимпийн эрхийн төлөө өрсөлдөж буй 5 хотоос олонхийн таамгаар эхний 2-т яваа Лондон хот уг Олимпийг өөрийн хотдоо зохион байгуулах эрх авахын төлөө шаргуу ажиллаж байна. Тэд Лондон хотноо байрлах газар газрын үндэстэн ястаны 200 гаруй нийгэмлэг холбоодын төлөөлөгчидтэй уулзаж олон үндэстэний эв нэгдэлтэй оршин суудаг Лондонгийн Олимп та бүхний Олимп байх болно хэмээн уриалж, хэрвээ Лондон ялвал хэрхэн хамтран ажиллаж болох саналуудыг тавьж, бас сонсож эхэллээ.

2009-09-03

Лондонгийн өмнөх Олимпууд

2012 оны 7 сарын 27-ноос 8 сарын 12-ны өдрүүдэд таван тивийн тамирчид зуны 30 дугаар Олимпийн тоглолтод хурд хүч авхаалж самбаагаа сорихоор Британий нийслэл Лондон хотноо хуран чуулах билээ.
Энэ нь Британичуудын хувьд зуны Олимпийн тоглолтыг өөрийн хотдоо зохион байгуулах гэж буй гурав дах тохиол юм. Энэ удаа та бүхэнд Лондонд зохиогдсон өмнөх 2 олимпийн талаар товч танилцуулая.

1908 оны Лондонгийн анхны Олимп

Лондонгийн анхны Олимп: 1908 онд  Лондон  анхны Олимпоо зохион байгуулжээ. Италийн Ром хотод зохиогдохоор төлөвлөгдсөн байсан энэ олимп Италичууд тус оронд болсон газар хөтлөлтийн гашгийг арилгахад олимпод төлөвлөсөн хөрөнгөө зарцуулахаар шийдсэнээр зохион байгуулалтын эрх Лондон руу шилжсэн аж.

Зуны 4-р олимпийн тоглолтод нийт 22 үндэстэний 2008 тамирчин (үүнээс 1971 нь эрэгтэй, 37 нь эмэгтэй)  22 спортын нийт 110 төрөлд өрсөлдсөн байна. Олимпийн нээлт 4 сарын 27-нд зохиогдож харин хаалтын арга хэмжээ нь 10 сарын 31-нд болж байсан байна.


Лондон 1908 Олимпийн тоглолтын медалийн загвар (нүүр болон ар тал)



Олимпийн онцлог үйл явдлуудаас сонирхуулвал.
  • Сурны төрөлд William Dod, Charlotte Dod нар олимпийн тоглолтод медаль хүртсэн анхны ах дүүсээр тодров.
  • 60 настай Oscar Swahn давхиж яваа бугыг нэг сумаар буудаж унагах тэмцээнд түрүүлж хамгийн өндөр настай олимпийн аварга болсон амжилт өнөө хир эвдэгдээгүй.
  • Усанд үсрэлт болон талбайн теннисний төрөл оимпод анх удаа оролцов
  • Спортын хүндэлл нигүүслэлийг харуулсан нэг тохиолдол гарсан нь Frithiof Martensson, Mauritz Andersson нарын  сонгомол барилдааны төрлийн аваргын төлөөх барилдаан жижиг бэртэл авсан Martensson-ийн биеийг тэнхэртэл нэг өдрөөр хойшилж улмаар  Martensson аваргалж байжээ
  • АНУ-ын тамирчин Ray Ewry өдгөө олимпоос хасагдсан байрнаасаа өндөрт харайх, байрнаасаа уртад харайх төрөлд аваргаласнаар дараалсан 3 удаагийн олимпоос нийтдээ 8 алтан медаль авсан дээд амжилт тогтоожээ.
  • Энэ олимпоос олон түмний санаанд хамгийн тодоор үлдсэн нэгэн тохиол гарсан нь  марафон гүйлтийн  тамирчин, Италийн иргэн  Dorando Pietri түрүүлсээр цэнгэлдэх хүрээлэнд орж ирсэн ч барианы зурхайд хүрэхээс өмнө 5 удаа ухаан алдаж унасан тул зохион бйагуулагчид дэмжиж туслан барианд оруулснаас болж тэмцээнээс хасагдаж хоёрт ирсэн АНУ-ын тамирчин алтан медаль хүртсэн явдал байв.



Лондонгийн хоёр дах олимп: 
Лондонгийн зохион байгуулсан хоёр дах Олимп нь 1948 оны зуны 14-р
Олимпийн тоглолт. Энэ нь дэлхийн хоёрдугаар дайны уршгаар 12 жил завсарласны дараа зохиогдсон анхны Олимп байв.
Энэ Олимпод нийт 59 орны 4104 тамирчин (үүнээс 3,714 эрэгтэй 136 эмэгтэй), 17 спортын 136 төрөлд 7 сарын 29-өөс 8 сарын 14-ны хооронд өрсөлджээ.